مرحوم چیف آف تمن بزدار سردار فتح محمد خان کی زندگی پر ایک نظر

مرحوم چیف آف تمن بزدار سردار فتح محمد خان بزدار ڈیرہ غازیخان کے پسماندہ ترین علاقہ بارتھی میں پیدا ہوئے انکے والد کا نام سردار دوست محمد تھا.
انہوں نے ابتدائ تعلیم کے بعد  اعلی تعلم جامعہ کراچی سے حاصل کی. انہوں اپنی سیاست کا آغاز
بلوچ ایجوکیشنل اسٹوڈنٹس سے کیا اور بعد میں 1963 کو جب BSO یعنی بلوچ سٹوڈنٹ آرگنائزیشن بنی تو مرحوم اسکے صدر بھی رہے. تعیلم سے فراغت کے بعد محکمہ تعلم میں گزیٹیڈ پوسٹ کی نوکری لی اور اپنے والد سردار دوست محمد کے وفات تک سرکاری ملازم رہے. اور والد کی وفات کے بعد آج سے تقریباً 37 سال قبل بزدار کی تمن کی سرداری (پھاغ) سنبھالی اور ساتھ ہی ملازمت سے استعفی دیا.
ضیاء الحق کے مجلس شوریٰ کے رکن رہے. اس کے بعد مختلف ادوار میں الیکش جیت کر کل تین بار ایم پی اے رہے.
انتہائ دلیر انسان تھے. انکے دوست اور رفیق انکی دلیری کے گواہ نہیں بلکہ انکے مخالف بھی اس بات کے معترف ہیں.
پرانے ذہن کے بلوچ سخت مزاج اور نہ جھکنے والے انسان تھی. اپنی من مانی کے قائل تھے کبھی سمجھوتہ نہ کیا.
کفایت شعار انسان تھے پوری زندگی کبھی سرداری شان شوکت کی نمائش کے دوڑ میں نظر نہ آئے.
اپنے والد سردار دوست محمد کی طرح زمینوں سے کافی محبت تھی اور انکے آباد کرنے اور اضافہ کرنے کی خواہش رکھتے تھے.
بزدار تھے مگر بزداری(گلہ بانی) سے کئ گنا زیادہ زمینداری سے محبت تھی.
سیاست میں واجبی حد تک دلچسپی تھی انکو سیاست کا جنوں کبھی نہیں رہا اس لیے کسی پارٹی میں جم نہ سکے.
بلوچ انکو قدر کی نگاہ سے دیکھتے تھے اور بلوچ سردار بھی مگر جس طرح قیصرانی سراد میربادشاہ دل سے انکا احترام کرتے تھے وہ مثالی تھی. ان کے منہ سے کبھی سردار فتح محمد کا لفظ نہیں سنا وہ جب انکا ذکر خیر فرماتے تو.
بابا سائیں کا لفظ انتہائی ادب سے استعمال کرتے.
انکی اولاد میں پانچ بیٹے اور پانچ بیٹاں ہیں.
جعفر سردار فیملی انکے سسرالی ہیں.
انکے بڑے بیٹے سردار عثمان بزدار اس وقت وزیر اعلی پنجاب ہیں.
دوسرے بیٹے عمر خان BMP میں سرکل  جمعدار(DSP)کے عہد ے پہ کام کرتے ہیں.
تیسرے بیٹے جعفر بزدار یونین کونسل مبارکی کے چیئرمین ہیں.
چوتھے بیٹے طاہر بزدار
پی پی 286 میں سردار عثمان بزدار کے حلقے مین بطور فوکل پرسن کے طور پہ کام کررہے ہیں.
سب سے چھوٹے بیٹے ایوب بزدار سرکاری ملازم ہیں.
اس غم موقع پہ میں اور پوری بلوچ قوم انکے بیٹوں اور باقی رشتہ داروں کے غم میں برابر کے شریک ہیں.
دعا گو ہیں کہ اللہ انکو صبر جمیل عطا فرمائے
اور مرحوم کو جنت الفردوس میں اعلی مقام عطا فرمائے.
آمین.ثم آمین