کوہ سلیمان نادرا سنٹر فاضلہ کیلئے

 

کوہ سلیمان فاضلہ کا نادرا سنٹر کا سامان تونسہ شریف منتقل کر دیا گیا ہے۔ یہ خبر سن کر دل بہت دکھی ہوا، کیونکہ اس فیصلے سے ایک بار پھر یہ بات واضح ہو گئی ہے کہ ہمارے کوہ سلیمان کے عوام کا کوئی حقیقی پرسانِ حال نہیں۔

ہم سمجھتے تھے کہ بی ایم پی (BMP) ہمارے عوام کی محافظ ہے، لیکن افسوس آج وہ بھی ہمارے کوہ سلیمان کے عوام کے خلاف کھڑی نظر آتی ہے۔ جب محافظ ہی ساتھ چھوڑ دیں تو پھر سوال پیدا ہوتا ہے کہ ہم اپنی فریاد کس سے کریں؟

کوہ سلیمان فاضلہ کا نادرا سنٹر لے جایا گیا ہے، کل کوہ سلیمان بارتھی کا نادرا سنٹر بھی لے جایا جا سکتا ہے۔ یہ سلسلہ یوں ہی چلتا رہا تو ہمارے علاقوں کے لوگ مزید مشکلات کا شکار ہو جائیں گے۔

لیکن میرے پیارے دوستو!

میں آپ سب کو ایک اہم اور مخلصانہ مشورہ دینا چاہتا ہوں۔

👉 ان عارضی چیزوں پر لڑائی جھگڑا نہ کریں، اس میں نہ ہمارا فائدہ ہے اور نہ ہی ہمارے بچوں کا مستقبل محفوظ ہوتا ہے۔ لڑائی میں ہمیشہ نقصان عوام کا ہی ہوتا ہے۔

🔴 حل کیا ہے؟

آج کے دور میں الحمدللہ نادرا ایپ ایک بہت بڑی سہولت ہے۔

میں خود یہ ایپ ڈاؤن لوڈ کر چکا ہوں اور استعمال بھی کر رہا ہوں، اور یہ واقعی بہت کارآمد ہے۔

📱 نادرا ایپ کے ذریعے آپ:

✔️ شناختی کارڈ بنوا سکتے ہیں

✔️ بچوں کا پیدائش سرٹیفکیٹ (B-Form) بنوا سکتے ہیں

✔️ مختلف نادرا فارم جمع کر سکتے ہیں

✔️ کئی دیگر سہولیات گھر بیٹھے حاصل کر سکتے ہیں

یہ ایپ Play Store پر موجود ہے۔

اب نادرا سنٹر جا کر لائنوں میں کھڑے ہونے، سفر کے خرچے اور وقت ضائع کرنے کی ضرورت نہیں۔

👉 گھر بیٹھے اپنا کام خود کریں، باعزت طریقے سے۔

میری آپ سب سے عاجزانہ اپیل ہے کہ

🔹 نادرا ایپ ضرور انسٹال کریں

🔹 اپنے رشتہ داروں، دوستوں اور گاؤں والوں کو بھی اس بارے میں آگاہ کریں

🔹 اگر میرا یہ مشورہ آپ کو اچھا لگا ہو تو اس پوسٹ کو زیادہ سے زیادہ شیئر کریں تاکہ ہر گھر تک یہ بات پہنچ سکے